الشاعر الحساس*** طارق المحياس

[دمعة غدر]

الأمل مفقود


خــلاص يعـنـي الأمــل فـيــك مـفـقـود
وأنا اللي كنت أحسب شعورك عشاني
حـاولـت يـامـا لـكـن الـبــاب مـســدود
الله يـعـوض حـبـي شـوقـي وحـنـانـي
كنت أحسبـك فـي داخلـي دوم موجـود
مـهـمـا أروح بـعـيـد إنــتــه بـكـيـانـي
كـانـت محبـتـنـا أبـــد مـالـهـا حـــدود
كـنــت بحـيـاتـي دنـيـتــي والأمــانــي
وأنــا بقـربـك عالـمـي كـــان مـحــدود
كنـت أحسـب اللحضـات ويـا الثـوانـي
ما أمـل مـن شوفـك أنـا كنـت أبـا زود
وكـل مـا أشوفـك قلـت ربــي عطـانـي
دايـم أقـول مثلـك فـي هالكـون معـدود
كنـت أحلـف إنـك إنــت إنـسـان ثـانـي
كنت الأمـل كنـت العطـر كنـت الـورود
كنت اللي أشكي له وأقـول لـه أعانـي
مـن كثـر مــا حبـيـت عيـونـك الـسـود
كتـبـت لــك أشـعـار وأهـديـت أغـانــي
ليش الألـم ليـش الجفـا ليـش لصـدود
بذمتـك يعـنـي صــار غـيـري بمكـانـي
كفـي بيبقـى لـك عـلـى طــول مـمـدود
ابـعـد ليـالـي بــس ارجــع لــي ثـانـي
صـدقـنــي تـلـقـانـي مــثــل أول وزود
بالعـكـس يـمـكـن زاد فـيـنـي حـنـانـي
أكـذب علـى نفسـي أقـول يمكـن يعـود
ومـرات أصـدق وأعتـرف هـو نسانـي
حـاولـت يـامـا لـكـن الـبــاب مـســدود
الله يـسـامـح حـظــي الــلــي رمــانــي
ان مـت أنـا فـي يـوم بوصيـك يـا دود
لــــو زار قــبــري والا انــــه بـكـانــي
قـل لـه يحبـك ويعتـرف كـان محسـود
ولو كان عايش كان قـال لـك عشانـي
لا تـبـكـي دمــوعــك ولا تـنـثــر ورود
جيتـك تكفـي يـا عسـى تـكـون هـانـي
وقول له أمانه يروح عند ناعم العـود
ذاك الـلــي خـلانــي بـدونــك أعــانــي
قل له يقـول لـك إنـت بالحـب موعـود
دامـه أخــذك مـنـي أكـيـد مــا بيعـانـي
لأنـي أعرفـك زيـن مـا تـكـذب وعــود
طيـب وفــي حـسـاس راعــي معـانـي
كنت بحياتـي انتـه بـس اللـي موجـود
كنـت مستعـد أمـوت وتبـقـى بمكـانـي
مـن كثـر مــا حبـيـت عيـونـك الـسـود
أهـديـت لــك عـمـري والـعـمـر فـانــي
..
ما توقعتك تخون


الا انـــــــت مـاتـوقـعــتــك تــــخــــون
لـيـت كـــل الـنــاس خـانـونـي مـعــاك
كنـت أظـن إنـك وفـي مخلـص حنـون
مـا حسبـت حسـاب غـدرك أو جـفـاك
كنـت وحـدك سـاكـن بـوسـط العـيـون
لا وربــي مــا سـكـن عـيـنـي ســـواك
كـنــت أبـادلــك المـحـبـه والـشـجـون
وقـلـبـي بيـديـنـه مفـاتـيـحـه عــطــاك
كـنـت فــي دنـيـاي أجـمـل مــا يـكـون
كنـت دايــم أرتـجـي وأطـلـب رضــاك
لـيـش كــل هــذا التجـافـي يــا فـتــون
بـعـت مــن حـبــك وبعـيـونـه شـــراك
كـنـت مــا أزعـلـك وكلـهـم يـزعـلـون
كـنـت أنــا بالنسـبـه لـجـروحـك دواك
يــا حسـافـه كـيـف عشـرتـنـا تـهــون
كيـف تنسـى اللـي دقيـقـه مــا نـسـاك
كنـت أنـا ويـاك صحـرى مــع مــزون
لـو عطشـت القلـب مــن دمـعـه رواك
وصرت أنا العطشان أطلب منك عون
ليـش تحرمنـي فــي عزالضـيـم مــاك
قـلـبـك بكـيـفـه يـخــون والا يــصــون
هـذا عـمـرك وإنـتـه أدرى بمسـتـواك
بــس شـجـاوب كــل منـهـم يـسـألـون
أحسـن أسكـت تـدري الـكـذب يـعـداك
الـقـهـر إنـــك عـلــى قـلـبــي تــمــون
لـو طلبـت إحسـاس قلبـي قلـت هــاك
والـقـهــر إنــــي أحــبـــك وبـجــنــون
يــا حسـافـه ضـاعـت أيـامــي مـعــاك
لـيــش خـيـبــت بمحـبـتـنـا الـظـنــون
لـيـش مــا بـادلـت مــن حـبـك هــواك
ليـش كنـت تحلـف بحبـي مــا تـخـون
وإنــي فــي عيـنـك أنــا أجـمـل مــلاك
كـنـت أظــن إنــه الـعــواذل يـكـذبـون
كــان قلـبـي وكـــل إحـسـاسـي فـــداك
مـــا هقـيـتـك يـــوم يالـغـالـي تـخــون
لـيـت كـــل الـنــاس خـانـونـي مـعــاك
..
ليش قلتيلي احبك

لـيــش نـزلـتـي عـيـونــج ارفـعـيـهـا وطالـعـيـنـي
والا يـعـنـي انحـرجـتـي يـــوم جـاوبـتـي سـؤالــي
لـيـش قلتيـلـي احـبــك لـيــش كـنـتـي تخدعـيـنـي
ليـش قلتـي لـي حبيبـي ليـش قلتـي لـي يـا غالـي
كــان ممـكـن مــا احـبـج كــان مـمـكـن تتركـيـنـي
كـان ممكـن مـن البـدايـه تخـدعـي غـيـري بـدالـي
ليـش انـا بـالـذات يعـنـي لـيـش قـولـي جاوبيـنـي
بعد غدرج خبريني وقولـي بـس شـو اللـي بقالـي
والله انــي مــا جرحـتـج لـيـش انـتـي تجرحـيـنـي
هنـت علـى قلبـج حسافـه وانقضـت اجمـل ليـالـي
الـقـهـر انـــي احـبــج وادري انـــج مــــا تـبـيـنـي
والمحـبـه مــن طـــرف واحـــد نهايـتـهـا زوالـــي
كان عمـري فـي ايدينـج قولـي وش كـان بايدينـي
اذكـر انـه مـن غـلاتـج كــان قــدرج فــوق عـالـي
كـنـت اتجـاهـل واطـنـش يـــوم نـغـزاتـج تجـيـنـي
وكنـت اقـول الحـب اكبـر مــن تـصـرف لا مثـالـي
ابـغـي مــن وقـتـج دقيـقـه ولـيـت انــج تمنحيـنـي
بس ابا اقولج ثلاث اشياء واروح امشي في حالي
اولا فـعـلا احـبــج وكـنـتـي فـــي قـلـبـي وعـيـنـي
وكانـت الدنيـا بوجـودج شـي روعـه شـي خيالـي
ثـانـيـا عـلــي بـــدر مـنــي دخـيـلــج سامـحـيـنـي
يمـكـن انــه زل لسـانـي وقـلـت انــج راس مـالـي
ثـالــثــا اســالـــج بالله واطـلــبــج لا تـذكـريــنــي
احرقـي كـل القصـايـد وانـسـي اشـواقـي وصـالـي
المهـم انـي ابــا ابـعـد وانـتـي روحــي واتركيـنـي
ارجـعـي لــه ومثـلـي دور البريـئـه الـلــي تـبـالـي
فــي النهـايـه قـبــل لا انـســى بـقـولـج كلمتـيـنـي
كــان هــذا الـلــي تحبـيـنـه مـحـمـد ولـــد خـالــي

[•● رَفِيّعَةَ اَلْذَوّقَ ●•]

ابيـآت رآئـع ــه

سلمــت يمنـآك ع الطـرح ..}

[سواها قلبي]

الا انـــــــت مـاتـوقـعــتــك تــــخــــون
لـيـت كـــل الـنــاس خـانـونـي مـعــاك
كنـت أظـن إنـك وفـي مخلـص حنـون
مـا حسبـت حسـاب غـدرك أو جـفـاك
كنـت وحـدك سـاكـن بـوسـط العـيـون
لا وربــي مــا سـكـن عـيـنـي ســـواك
كـنــت أبـادلــك المـحـبـه والـشـجـون
وقـلـبـي بيـديـنـه مفـاتـيـحـه عــطــاك



,,,
كلمات في غاية الروووووعه ماقصرتي يالغلا والله يعطيك ألف ألف عافيه
وننتظر جديدك


تقبلي مروره>>>وافي بطبعي

[امير الذوق]

مشكوووووووووره يالغاليه

وربي يعطيك الف عاافيه